الخميس، ٢٨ يوليو ٢٠١١

مشروبات رمضانية



المقادير :-


مقادير طبقة قمر الدين:
300 جرام شراب قمر الدين مركز
300 ملل ماء
4 ملاعق كبيرة نشا

مقادير طبقة التمر الهندي :
300 جرام شراب تمر هندي مركز
300 ملل ماء
4 ملاعق كبيرة نشا

مقادير طبقة اللوز :
300 جرام شراب اللوز مركز
300 ملل ماء

4 ملاعق كبيرة نشا

مقادير طبقة الورد :
300 جرام شراب الورد مركز
300 ملل ماء
4 ملاعق كبيرة نشا


الطريقة بالفيديو مع نرمين هنو : اضغط هنا


المصدر : فتافيت





الاثنين، ١٨ يوليو ٢٠١١

فراخ مشويه

المقادير :-

فرخة
1 بصلة مبشورة
1 طماطم
1 فلفل أخضر
3 : 4 ملاعق خل
ملح
فلفل
شطة
كركم
بهارات فراخ

الطريقة :-

1- نضرب الطاطم والفلفل الأخضر فى الخلاط
2- نضيفه على البصل المبشور ونحط عليه الملح والفلفل والشطة والكركم وبهارات الفراخ والخل ونقلبه كويس
3- نجيب الفرخة ونعمل فيها شقوق بالطول من جميع الجهات ونتبلها بالخلطة السابقة ونحط الخلطة داخل الشقوق اللى عملناها ونحطها فى الثلاجة من 2 : 3 ساعات
4- نجيب زجاجة حاجة ساقعة فاضية ونحط فيها مايه ونلبس الفرخة فى الزجاجة ونحط الزجاجة فى صينية فيها شويه مايه وندخلها الفرن لحد لما تستوى وتحمر من بره

وجمييييييييييييلة جداااااااا عن تجربة


أومليت بيتزا

المقادير :-

3 بيض
زبدة
طماطم مكعبات
فلفل أخضر
ملح
فلفل
جبنة موتزاريللا
لحمة مفرومة ( أو أى نوع بسطرمة - لانشون - فراخ -سوسيس زى ما تحبى )
زيتون

الطريقة :-

1- نجيب طبق ونفتح فيه البيض ونحط ملح وفلفل ونقلبه بالشوكة
2- نحط طاسة على النار ونحط فيها زبدة وبعدين البيض ونعمله أومليت وتكون النار متوسطة
3- نحط على الأومليت طماطم مكعبات وفلفل أخضر ولحمة مفرومة وزيتون وجبنة موتزاريللا وممكن نحط ثوم مفروم يعنى بتحطى المكونات اللى إنتى عايزاها
4- نضعها فى صينية وندخلها الفرن عشان الوجه يحمر والموتزاريللا تسيح شويه ونخرجها ونقدمها فى طبق التقديم وبألف هنا وشفا

المصدر : الشيف شربينى

 

زلابية

المقادير :-

2 كوب دقيق
1/2 ملعقة صغيرة بيكنج بودر
رشة ملح
1/2 ملعقة صغيرة سكر
1/2 ملعقة صغيرة كركم
1 ملعقة كبيرة حليب بودرة
1 ملعقة كبيرة خميرة
1 : 1/2 1 كوب ماء دافئ

الطريقة :-

1- نخلط جميع المقادير بالإيد
2- نتركها تخمر من 30 : 45 دقيقة
3- نجيب طبق صغير فيه مايه وملعقة صغيرة
4- نضع زيت فى طاسة على النار ولما يقدح نمسك العجينة بإيد زى الراجل اللى بيقلى الطعمية فى المحلات :) وبالإيد التانية نبل الملعقة وناخد جزء من العجينة ونحطها فى الزيت وفى كل مرة نبل الملعقة

جميلة جدااااااااااااا عن تجربة

 

السبت، ١٦ يوليو ٢٠١١

Tangzhong

المقادير :-

أولاً مقادير Tangzhong

1/3 كوب دقيق
1 كوب ماء

ثانياً مقادير العجين :-

1/4 3 كوب دقيق
6 ملاعق طعام سكر
رشة ملح
1/2 1 ملعقة طعام خميرة فورية
4 ملاعق طعام زبدة سايحة
1/2 : 3/4 كوب حليب دافئ
1/2 كوب Tangzhong

الحشو :- 
نوتيلا أو عجوة

الطريقة :-

1- نخلط مقادير ال Tangzhong ونضعها فى حلة على نار متوسطة مع التحريك حتى يتماسك ويغلظ قوامه ونرفعه من على النار ونتركه يبرد
2- نخلط مكونات العجين الناشفة مع بعض 
3- نضيف المكونات السائلة وال Tangzhong على المكونات الناشفة
4- نعجن العجين جيداً حتى نحصل على عجين متماسك ولا تلتصق بالإيد
5- نتركها تخمر ثم نقسم العجين لأحجام متوسطة 
6-  نفرد كل قطعة ونضع بداخلها 1 ملعقة كبيرة نوتيلا أو عجوة ونقفل عليها ونشكلها على شكل دائرى ونضغط عليها ضغطة خفيفة ونقطعها طولياً من ناحية واحدة ونلف القصات قليلاً وندهن الوجه حليب وممكن نرش على الوجه سمسم أو تشكل وتزين حسب رغبتك
7- ندخلها الفرن على درجة حرارة 200 ثم نشعل الشوايه حتى يحمر لونها من فوق

جربتها وطلعت راااااائعة

سلطة طحينة

المقادير :-

1/2 كوب طحينة
2 فص ثوم مفروم
1/2 ملعقة صغيرة كمون
1/2 ملعقة صغيرة شطة
ملح
فلفل بسيط
خل ( 2 : 3 ملاعق كبيرة تقريبا )
زيت
ماء دافئ

الطريقة :-

1- نضع الطحينة فى طبق
2- نضيف عليها الملح والفلفل والكمون والشطة وممكن تزودى مقدار الشطة والكمون شويه على حسب رغبتك
3- ونضيف المايه شويه شويه لحد لما القوام يبقى متماسك
4- نضيف الخل وشويه زيت ونحطها فى طبق التقديم وممكن وضع على الوجه بقدونس مفروم للزينة

وحلوة جداااااااااا عن تجربة 

 

الليمون المعصفر

المقادير :-

1/2 كيلو ليمون
 1/2 1 كوب عصير ليمون
 2 ملعقة كبيرة عصفر
 معلقة كبيرة زيت زيتون
 1/4 كوب ملح خشن
 2 ملعقة كبيرة حبة البركة
 2 فلفل أحمر
 
الطريقة :-

1- نقطع الليمون أربع تربع بس مش للآخر يعني تكون متماسكة من تحت
2- نحشي الليمون بالعصفر
3- نجيب البرطمان ونكون معقمينه ويكون زجاج
- طريقة التعقيم نحطه في ماء ساخن وبعدين ننشفه كويس
4- بعدين نحط طبقة من الليمون المحشي بالعصفر ونضع كمية من الملح تكون كافية والملح يكون خشن ونضع قليل من حبة البركة ونعمل طبقات بهذه الطريقة لحد ما نخلص الكمية
5- أما الفلفل الاحمر الحار بنشيل منه العنق والبذور وممكن نسيب البذور عادي
ونحطه في الخلاط ونضربه ونخليه خشن شويه بعد كده نحطه على الليمون فى البرطمان ونضع معاه عصير الليمون وعلي الوجه نضع ملعقة زيت زيتون ونقفل البرطمان كويس جداااااااااااا
6- يوضع في الثلاجة لمدة شهر وبعد كده يكون صالح للاكل
 
 
المصدر : منتدى فتكات

بطاطس مقرمشة

المقادير :-

بطاطس
خل
ملح
ماء
زيت

الطريقة :-

1- نجيب البطاطس ونقشرها ونغسلها ونقطعها صوابع
2- نجيب حلة ونحطها على النار ونحط فيها المايه وملح قليل ولما تغلى نحط حوالى فنجان قهوة خل أبيض ونحط البطاطس ونسيبها تغلى حوالى 5 دقائق
3- نحط زيت فى طاسة على النار ولما يقدح نضيف البطاطس بعد ما نصفيها من المايه والبطاطس هنا هتاخد وقت شويه اكتر من طريقة القلى العادية ونشيلها وهى لونها دهبى وهتكون مقرمشة من بره وطرية من جوه

المصدر : منتدى دليل الطبخ العام 

فيشار بالكراميل

المقادير :-

ربع كوب سكر
1/2 كوب ذرة فشار
زيت

الطريقة :-

1- نحط شويه زيت بسيط فى الحلة ونحطه على النار ونضيف عليه الفشار ونغطى الحلة ولما نسمع صوت طقطقة نبتدى نمسك الحلة ونحركها عشان الفيشار ميتحرقش ونطفى عليه لما منسمعش أى صوت للطقطقة ديه
2- نحط السكر فى حلة على النار ونقلبه لحد لما يبقى لونه عسلى 
3- نضيف السكر بعد ما بقى كراميل على الفشار ونقلبه كويس عشان نتأكد إن الفيشار كله بقى عليه صوص ونسيبه يبرد وبعدين نقدمه فى طبق التقديم

مشروب الشيكولاته الساخنة

المقادير :-

2 : 3 ملعقة صغيرة شوكولاتة ذائبة
1 كوب حليب
رشة قرفة ( حسب الرغبة )
رشة جوزة الطيب مبشور ( حسب الرغبة )
1 : 2  ملعقة كبيرة كريمة مخفوقة
سكر حسب الرغبة

الطريقة :-
1-  تصب الشوكولاته فى كوب وتضاف القرفه و جوزة الطيب و 2 : 3 ملعقه كبيره ماء مغلى و تقلب جيدا
2-  يسخن الحليب دون أن يغلى و يضاف للمج ويضاف السكر و يقلب حتى يصبح أملس
3- تضاف الكريمة المخفوقة على السطح ويقدم فوراً 

المصدر : منتدى عرب ليديز

توست بالتونة والبيض

المقادير :-

 تونة
توست
مايونيز لدهن التوست
مايونيز للخلطة
بيض مسلوق
 جزر  مبشور
١ بصل مقطعة شرائح رفيعة
١⁄٢ حزمة بقدونس مفرومة ناعمة
 
البهارات:-

١⁄٢ ملعقة صغيره كمون ناعم
١⁄٢ ملعقة صغيره كزبرة جافة
١⁄٢ ملعقة صغيره فلفل أسود
١⁄٢ ملعقة صغيره حامض الليمون
١⁄٢ ملعقة صغيره ملح

الطريقة :-

1- تقطع اطراف التوست ثم تُقطع كل قطعة توست الى قسمين على شكل المثلث .
2-  نخلط التونه والبصل والماينيز والبهارات والبيض والجزر والبقدونس ويُخلطوا جيداً 3- يُدهن كل مثلث توست بالمايونيز، ثم تُوزع الخلطة علي نصف عدد مثلثات التوست ثم يُغطي كل مثلث بالمثلث الآخر.
4- ونحمص الساندويتش فى مقلاه من الناحيتين


ساندويتش الجمبرى

المقادير :-

نصف كيلو جمبرى
٢  بيض
ربع كوب لبن
١ ملعقة صغيرة  لبن بودرة
١ ثمره ليمون
 خــل
٤ فصوص ثوم كبيرة
١ ملعقة صغيرة  كاتشب و مايونيز
١ كوب بقدونس مفروم
دقيق ابيض
دقيق اسمر
١ ملعقة صغيرة توابل ( ملح وفلفل وكمون وبهارات )
1 ملعقة صلصة
زيت للقلى

الطريقة :-

1- يتم فرم الثوم و يوضع على الجمبرى مع الليمون و الخل و الملح و الفلفل و الكمون و البهارات و معلقة صلصة و يقلب الخليط جيدا و يترك لمده ساعتين
2- نخفق البيض مع الحليب و اللبن البودرة  و معلقة من الكاتشب و المايونيز و معلقة دقيق ابيض
3- يوضع الجمبرى اولا فى الدقيق الأسمر ثم فى خليط البيض ثم الدقيق الأسمر مرة أخرى
4- نقلى الجمبري في الزيت الساخن
5- نضع الجمبرى فى الساندويتش مع القليل من الخس وشرائح الطماطم والبصل ويقدم مع بطاطس محمرة

المصدر : منتدى عرب ليديز

ساندويتش الدجاج المكسيكى

المقادير :-

فطائر مكسيكية
بصل
2 فص ثوم
طماطم
مشروم
دجاج مقطع شرائح
فلفل , كمون , ملح
زيت زيتون
جبنة شيدر مبشورة

الطريقة :-

1- نقطع البصل  والطماطم والمشروم مكعبات صغيره .
2- نقلى البصل و الثوم بالزيت إلى أن يذبل البصل وبعدها نضيف الطماطم و المشروم ونقلب لمدة دقيقتين .
3- نقلي الدجاج فى شويه زيت ونتبله بالبهارات  ونقلبه إلى أن يستوي و ينشف ماءه .
4- نبعد الدجاج عن النار ثم نضيف له خلطه الخضار ونرش الجبنه
5- نحشي الفطائر بخلطة الدجاج ثم نضعها في صينيه مدهونه ونرش المزيد من الجبنه على الوجه  وندعها في الفرن قليلاً ونقدمها ساخنة .
المصدر : منتدى عرب ليديز

 

شوربة لسان عصفور

المقادير :-

1 كوب لسان عصفور
2 كوب ماء
2 كوب شوربة
1 طماطم صغيرة
سمن أو زيت
ملح
فلفل

الطريقة :-

1- نضع السمن فى حلة على النار ونضع لسان العصفور ونقلبه بإستمرار حتى يحمر لونه
2- نضرب الطماطم فى الخلاط ونضيفه على لسان العصفور
3- نضع بعد ذلك الماء وقليل من الملح والفلفل على لسان العصفور ( على اعتبار إن الشوربة عليها ملح وفلفل )
4- نغطى الحلة ونهدى النار شويه لحد لما لسان العصفور يستوى
5- بعد كده نضيف الشوربة ونسيبها تغلى شويه ونغرفها فى أطباق التقديم وممكن إضافة قليل من عصير الليمون

المصدر : منتدى فتكات

الجمعة، ١٥ يوليو ٢٠١١

طريقة تجفيف البصل

1- نقشر البصل ويتغسل ويتقطع حلقات رفيعة .
2- نوضع البصل المتقطع في اي حاجه يفضل بلاستيك .

ممنوع وضعه في الالمنيوم خوفاً من التأكسد

3- نضيف الملح ونحرك كويس من فوق لتحت ومن الجناب كويس عشان نتأكد ان الملح وصل لكل جزء فيها

4-  على اي قطعة قماش قديمه مفرش مثلآ  توزعي البصل عليها ونحطها فى البلكونة فى الشمس

لما ينشف احتفظي بيه في كيس نايلون نظيف .

تجفيف الثوم

فيه طريقتين لتجفيف الثوم :-

الطريقة الأولى :-

نقوم بتقشير الثوم ثم نضغط عليه بالسكين ونرش عليه ملح ونعرضه للشمس فوق قطعة من القماش او مناديل ورقية تستخدم في المطبخ ونتركه حتى يجف تأخذ من الوقت حوالى ثلاثة ايام حسب قوة الشمس وبإمكانكم طحنه للحصول على بودرة الثوم

الطريقة الثانية :-

كيلو ثوم + 2 ملعقة ملح
1- يقشر الثوم ويغسل ويصفى جيدا
2- يوضع الثوم فى الطاجن مع الملح ويدخل الفرن لمدة ربع ساعة مع التقليب على نار متوسطة. 
3- يترك حتى يبرد ثم يطحن ويحفظ فى وعاء مغلق ويستعمل فى الاكل ويرش على المقليات والمشويات

صلصة البيتزا

المقادير :- 

2 : 3 طماطم
1/2 : 1 ملعقة كبيرة بصل
3 فصوص ثوم
5 ملاعق زيت
ملح
فلفل
ريحان
زعتر
ورق لورا
بهارات إيطالى  ( إختيارى )
ثوم وبصل بودرة ( إختيارى )

الطريقة :-

نخلط جميع المقادير فى الخلاط وكده هى جاهزة للإستخدام

بيتزا

المقادير :-

3 أكواب دقيق
2 ملعقة صغيرة سكر
2 ملعقة طعام زيت
1 ملعقة بيكنج بودر
1/4 ملعقة صغيرة بصل بودرة وده موجود فى أى سوبر ماركت ( طريقة تجفيف البصل اضغط هنا )
1/3 1 كوب ماء
رشة ملح
2 ملعقة طعام دقيق ذرة
1/4 ملعقة ثوم بودرة وبردو موجود فى السوبر ماركت (طريقة تجفيف الثوم اضغط هنا )
2 ملعقة صغيرة خميرة فورية

الطريقة :-

1- نخلط الماء + السكر + الملح + الزيت + الخميرة فى وعاء إلى أن تتفاعل الخميرة
2- نخلط جميع المكونات الجافة ( دقيق + بيكنج بودر + بصل بودرة + دقيق ذرة + ثوم بودرة ) ونضيفها على الخليط السابق ونعجنها جيدا حتى تتكون لدينا عجينة طرية لا تلتصق بالإيد
3- نغطيها بقطعة قماش مبلولة قليلاً ونضعها فى مكان دافئ لمدة 45 دقيقة 
4- نضع فى الصينية شويه زيت ونفرد العجينة فيها ونذوقها زى ما نحب ( الصلصة + جبنة موتزاريلا + فلفل ألوان + زيتون أسود + أى نوع لحوم )
لعمل صلصة البيتزا اضغط هنا

وعلى فكرة طلعت حلوة أوى

بيض أومليت بالخلطة

المقادير :-

بيضة أو بيضتين زى ما تحبوا
1 طماطم صغيرة مقطعة صغير
1 فلفل رومى صغيرة مقطعة
2 فص ثوم مقطع صغير
1/2 ملعقة كبيرة بصل مقطع صغير جداااااا
1/2 : 1 ملعقة كبيرة دقيق
ملح
فلفل

الطريقة :-

1- نحط البيض فى طبق ونحط عليها ملح وفلفل ونضربها بالشوكة وبعدين نحط سمن فى الطاسة ونعمل البيض أومليت وبعدين نشيل البيض ونحطه فى طبق
2- وبعدين نحط شويه  سمن فى الطاسة
3- ونحط  البصل ونشوحه شويه وبعدين نضيف الفلفل والثوم ونشوحهم مع بعض شويه
4- وبعدين نضيف الطماطم والملح والفلفل ونقلبه شويه وبعدين نضيف الدقيق لحد لما الخلطة تمسك نفسها شويه ونشيلها من على النار
5- نحط الخلطة على البيض ونلفها زى الكريب كده وبألف هنا وشفا

وجاااااااااامدة جداااااااااا عن تجربة

الخميس، ١٤ يوليو ٢٠١١

نسكافيه

المقادير :-

1 كوب نسكافيه
1كوب سكر
1/2 كوب ماء

الطريقة :-

1- نخلط جميع المقادير بالمضرب الكهربائى على أعلى درجة حتى يصبح الخليط لونه فاتح وهتبقى تقيلة شويه زى الكريمة
2- نغطى الخلطة ونحطها فى الفريزر وكل ما نحب نعمل نسكافيه نجيب الخلطة من الفريزر
3- عشان نعمل بقى كوباية نسكافيه نجيب كوباية ونحط فيها معلقة واحدة من الخليط السابق ونحط سكر ونحط يا إما لبن مغلى أو ماء مغلى بس نصب اللبن أو الماء من على بعد عشان تعمل رغوة ونقلبه كويس وممكن نحط على الوش كاكاو أو نعمل قلب أو أى شكل تحبيه وكده النسكافيه جاهز

بفتيك اللحم

المقادير :-

كيلو بفتيك
2 بصل متوسط
1 طماطم
1 قرن فلفل حامى
3 : 4 ملاعق كبيرة خل
فلفل اسود
كمون
ملح
8 فصوص ثوم

الطريقة :-

1- نضرب جميع المقادير فى الخلاط ماعدا الفتيك طبعا :)
2- نتبل البفتيك بالخليط السابق ونحطه فى الثلاجة 3 ساعات على الأقل
3- بعد كده ناخد البفتيك ونحطه فى ( البيض + ملح + فلفل + شطة ) وبعدين نحطه فى البقسماط ونحطه فى الثلاجة شويه قبل ما نقليه فى الزيت
4- نقليه فى الزيت ويتقدم مع بطاطس محمرة وبألف هنا وشفا

وعن تجربة حلوة جدااااااااا

كيكة الكاكاو

المقادير :-

1 كوب لبن
1/2 1 كوب سكر
1 كوب زيت على زبدة ( يكون الزيت اكتر )
2 ملعقة كبيرة كاكاو
2 بيضة
2 كيس فانيليا
1/2 1 كوب دقيق
1/2 باكو بيكنج بودر

الطريقة :-

1- ننخل الدقيق مع البيكنج بودر
2- نحط فى الخلاط اللبن والسكر والزيت على زبدة والكاكاو ونضربه كويس وبعدين نشيل كوب من الخليط على جنب
3- نضع على باقى الخليط البيض والفانيليا ثم نضعه على الدقيق والبودر ونقلبه من تحت لفوق وبعدين نحطه فى الصينية وندخله الفرن
4- ناخد كوب الخليط اللى شيلناه على جنب ونحطه فى طبق ونحطه على حمام بخار وممكن نضيف عليه شيكولاته ونضعه على الكيكة بعد خروجها من الفرن

مقاييس ومعايير الطعام

المقاييس بالجرام

55 جرام سكر ....... 1/4 كوب

225 جرام سكر ....... كوب

150 جرام دقيق....... كوب واحد

450 جرام دقيق ....... 3 أكواب

225 جرام زبدة ...... كوب واحد

225 جرام سكر بودرة......1/2 1 كوب

225 جرام سكر خشن ....... 1 كوب


المقاييس بالملليمتر

5 ملم..... ملعقة شاي

15ملم..... ملعقة طعام

30 ملم.... 1/8 كوب

60ملم..... 1/4 كوب

80 ملم.... 1/3 كوب

120 ملم.... 1/2 كوب

240 ملم .... كوب

300ملم..... 1/4 1 كوب


معدلات حرارة الفرن

....................... مئوي............... فهر نهيت

منخفض جدا.... 110-120 ............225-250

منخفض.......140-150 ............ 275-250

معتدل........160-180............. 325-350

فوق المعتدل... 190-200 ........... 375- 400

حار ........220-230 ............ 425-450

حار جداً ......240 ................ 475-500


أوزان و مقاييس من أونصه غم إلى الكوب

8 = 250 موز مهروس

½ 3 = 100 فتات البسكويت

7 = 225 زبده

4 = 120 كازو

½ 5 = 160 قطع الشوكولا

4= 125 كاكاو

½ 3 = 100 جوز هند

½ 3= 100 نشا

8= 250 جبنه كريمي

4 = 125 دقيق ذاتي الاختمار

4 = 125 دقيق عادي

5= 140 دقيق حنطه

5= 140 فواكه مشكله

3= 90 شوفان

4= 125 بار ميزان

8= 250 أناناس مقطع

8= 250 بطاطا مهروسة

4= 120 سمسم

5= 150 فراولة مجمده

7= 220 سكر عادي

½ 6 = 200 سكر بني

7 = 210 سكر كاستر

4 = 110 سكر بودرة

½ 3 = 75 جوز حب كامل

½ 3 = 100 جوز مقطع


أوزان المواد السائلة والجامدة من الجرام والمليمتر إلى الكوب

المواد السائلة


60 مل _ 20 اونصه _ ربع كوب

150 مل _ 50 اونصه _ ثلثين كوب

200 مل _ 70 اونصه _ ثلاثة أرباع الكوب

300 مل _ 100 اونصه _ كوب وثلث الكوب

450 مل _ 150 اونصه _ كوبين

600 مل _ 200 اونصه _ كوبين ونصف _ pint1


المواد الجافة

15 جم _ ملعقتان طعام _ نصف اونصه 2/1

30 جم _ ثلاثة ملاعق طعام + ملعقة صغيره _ 10 اونصه

56 جم _ ثلث كوب + ملعقة كبيرة _ 20 اونصه

85 جم _ نصف كوب+ ملعقتان كبار _ 30 اونصه

115 جم _ ثلاثة أرباع الكوب + ملعقة كبيرة + ملعقة صغيره _ 40 اونصه

145 جم _ كوب + ملعقتان كبار _ 50 اونصه

175 جم _ كوب وثلث الكوب _ 60 اونصه

200 جم _ كوب ونصف الكوب _ 70اونصه

225 جم _ كوب وثلاثة أرباع الكوب _ 80 اونصه

255جم _ كوبين + ملعقة صغيره _ 90 اونصه

285 جم _ كوبين وثلث الكوب+ ملعقتين كبار _ 100 اونصه

315 جم _ كوبين ونصف الكوب _ 110 اونصه

340 جم _ كوبين ونصف + ثلاث ملاعق كبيرة _ 120 اونصه

370 جم _ ثلاثة أكواب + ملعقة كبيرة _ 130 اونصه

395 جم _ ثلاثة أكواب وثلث الكوب + ملعقة كبيرة _ 140 اونصه

425 جم _ ثلاثة أكواب ونصف الكوب _ 150 اونصه

450 جم _ ثلاثة أكواب وثلاثة أرباع الكوب _ 160 اونصه

الثلاثاء، ١٢ يوليو ٢٠١١

شوربة سى فود

المقادير :-

جمبرى
كليمارى ( سبيط )
سمك فيليه مقطع مربعات
صوابع كابوريا
كاندوفلى
1 بصلة كبيرة مقطعة صغير
2 فص ثوم مفروم
1 حزمة شبت مقطع تقطيع عادى
1 حزمة بقدونس مقطع تقطيع عادى
1 جزرة مبشورة
1 فلفل رومى مفطع قطع صغيرة
1 طماطم تقطع قطع صغيرة
علبة متوسطة كريمة لبانى ممكن الاستغناء عنها ووضع 1/2 1 كوب لبن + 2 ملعقة كبيرة دقيق
3 أو 4 كوبايات كبار مايه
6 أو 7 ملاعق زيت

الطريقة : -

1- نضع حلة على النار ونضع فيها الزيت ونشوح فيها البصل لحد لما يدبل
2- نضع جميع المقادير ماعدا الكريمة اللبانى ( اللبن + الدقيق ) وماعدا ثلث الشبت والبقدونس
3- نضع ملح وفلفل وشطة وكمون كتير شويه ونحط المايه ونسيبها على النار لحد لما المكونات البحرية تستوى 
4- نضع الكريمة اللبانى أو ( نخلط الدقيق واللبن ونضعهم بدل الكريمة اللبانى ) لحد لما القوام يتقل شويه نطفى النار ونضيف باقى الشبت والبقدونس ونغطيه

راااااااااائعة عن تجربة


عصير الشيكولاته البارد

المقادير :-

5 ملاعق سكر
3 ملاعق حليب 
باكيت دريم ويب
5 ملاعق ايس كريم شوكولاتة
2 كوب الماء

الطريقة :-

1- يوضع الماء والحليب والسكر في الخلاط ويخفق جيدا 
2 - وبعد ذلك نضع الدريم ويب والايس كريم ومكعبات الثلج على الخليط السابق ونقلبه جيدا ثم نضعه فى الثلاجة  حتى يبرد ويقدم 


المصدر : منتدى فتكات

 

عصير ليمون بالنعناع

المقادير :-

10 اعواد نعناع 
  5 كوب ماء بارد 
3 حبات ليمون
سكر حسب الرغبة
( تكفى 6 اشخاص )

الطريقة :-

1- تضاف المقادير السابقة في الخلاط حتى تفرم جيدا.
2- يصفى المشروب ويقدم بارد.  
مفيد للبشرة والعطش و مغذي وصحي 


المصدر :منتدى فتكات 

كيكة قدرة قادر

المقادير :-

* الطبقة الأولى

نذوب على النار نص كوباية سكر حتى يصبح كراميل ونصبه فى صينية الكيك

* الطبقة الثانية

2 بيضة
1/2 كوب سكر
1 ملعقة صغيرة فانيليا
2 كوب لبن

نخلط مقادير الطبقة الثانية فى الخلاط ونصبه فوق الكراميل بعد ما يبرد

* الطبقة الثالثة

2 بيضة 
1/2 كوب زيت
1/2 1 ملعقة بيكنج بودر
4 ملاعق صغيرة كاكاو
1/2 كوب سكر
1/4 1 كوب دقيق
1 ملعقة صغيرة فانيليا
1/2 أو 3/4 كوب لبن على حسب ما تحتاج الكيكة

1- نضع فى الخلاط البيض + الزيت + الكاكاو + السكر + الفانيليا + اللبن
2- ننخل الدقيق مع البيكنج بودر 
3- نضيف الخليط اللى ضربناه فى الخلاط على الدقيق والبيكنج بودر ونقلبه بمعلقة من تحت لفوق براحة جدا عشان الهوا ميخرجش منه لأن دخول الهوا فى الدقيق من اهم اسباب نجاح الكيكة
4- نصبه فى الصينية فوق الطبقة الثانية ونحط الصينية فى صينية اكبر منها فيها ماية وندخلها الفرن على درجة حرارة هادية لمدة 1/2 ساعة تقريبا حتى تنضج 
بعد ما تستوى نطلعها من الفرن ونتركها 1/2 ساعة تبرد وندخلها الثلاجة تبرد لمدة 6 ساعات وبعدين نطلعها من الثلاجة ونقلبها فى طبق التقديم

وانا جربتها وطلعت تجنننننننننننننننن